Porque vivir o cambio de estación con enerxía e vitalidade tamén é posible
Coa chegada da primavera, moitas persoas experimentan unha sensación de cansazo, falta de enerxía ou dificultade para concentrarse, entre outros síntomas. É o que coñecemos como astenia primaveral, un proceso de adaptación do noso corpo ao cambio de estación que inclúen un aumento das horas de luz, de temperatura e modificación das rutinas.
Co obxectivo de afondar neste tema e ofrecer recomendacións prácticas, tivemos o pracer de contar na Gastroteca Lalinense coa nutricionista Patricia Galego, de Qichen Biocociña, que impartiu unha charla centrada na alimentación e os hábitos saudables para gañar enerxía e vitalidade nesta época do ano.
Aposta por unha alimentación nutritiva
Unha das claves principais para combater a astenia primaveral está no que comemos. Por iso, dende Embutidos Lalinense queremos ofrecerche algunhas ideas para inspirar os teus menús e poñercho máis doado no día a día.
Almorzo
- Tosta de tomate con xamón Amancio Gran Reserva.
- Sándwich de queixo, tomate seco, rúcula e o noso xamón cocido Extra Amancio.
- Iogur natural cun pouco de mel Antoxo do Carrio, noces e granola.
Podes acompañar o teu almorzo con froita de tempada.
Xantar
- Potaxe de lentellas co noso pack de chourizo, lacón e panceta. Inclúe pemento vermello para absorver máis ferro das legumes.
- Ensalada de espinacas, tomate, cenoira, cebola, aceitunas negras, pistachos e taquiños de lacón curado cocido. Inclúe un aliño con limón para favorecer a absorción do ferro das espinacas e dos pistachos.
- Conserva de cocido galego Unha opción rápida e completa para cando non teñas tempo de cociñar.
Cea
- Crema de cabaza e cenoura, acompañada duns cortes de Panceta rechea asada.
- Ensalada de tomate con cebola, con sardinillas en aceite de oliva e un bo pan.
Non esquezas incorporar hábitos de vida saudable
A astenia primaveral é un proceso temporal, pero con pequenos cambios nos nosos hábitos podemos afrontala mellor.
- Hidratación: bebe suficiente auga, infusións ou caldos.
- Movemento: a práctica de exercicio físico pode axudar a activar o organismo e mellorar o estado de ánimo.
- Descanso: durmir as horas necesarias e ter tempo de desfrute é imprescindible para poder ter boa enerxía.
