Nas merendas máis aconsellable un bocata de xamón cá bollería industrial

Read More

Vanessa Taboada é dietista e especialista en Educación para a Saúde, alimentación e nutrición e especialista en nutrición deportiva. Comezou a súa andadura profesional hai máis de 12 anos, traballando no Hospital Clínico Universtario de Santiago e no Hospital Provincial, pasando despois a desenvolver o programa Concellos Saudables en Lalín .

Participou en diversos programas da TVG, como Gran Cambio, Falámolo, Vivir Aquí, e segue axudando aos seus pacientes a aprender a comer e adquirir bos hábitos alimentarios, favorecendo cambios de comportamento e novas actitudes para unha alimentación saudable.

Embutidos Lalinense: Vanessa, como nutricionista cunha longa experiencia quixeramos saber a túa opinión sobre  a carne de porco

Vanessa: A carne ten unha apreciable calidade nutricional, dado o seu contido en proteínas de alto valor biolòxico, minerais como o ferro, potasio, fòsforo, zinc, selenio e vitaminas do complexo B. A calidade nutricional da carne pode diminuír sensiblemente canto máis alto sexa o seu contido de graxa saturada, tanto polo seu efecto negativo sobre a saúde, como porque aumenta o contido de enerxía. Aínda que hai uns anos a carne de porco tiña fama de ser moi rica en graxa e colesterol -e descartábase de dietas de adelgazamento ou en persoas con problemas cardiovasculares- pouco a pouco isto foi cambiando… e hoxe considérase unha carne de capa branca. Temos que ter en contra q a carne magra de porco é unha das carnes que máis ácido oleico nos aporta, graxa que nos axuda a baixar o colesterol e nos protexe de enfermidades coronarias (100gr de carne de porco ten menos colesterol que 100 gr de carne de vacún).

Para a poboaciòn xeral e no contexto dunha dieta equilibrada todos os productos cárnicos magros procedentes do porco están perfectamente indicados seguindo as recomendaciòns de consumo adecuados.

E. L. : Que consumo de carne aconsellarías ti como saudable?

V: O consumo recomendado é de 3-4 raciòns semanais, decantándose sempre por carnes brancas (nas que entra a de porco) priorizando as partes magras e retirando a graxa visible. É dicir, carne branca 3 veces por semana, carne vermella unha vez por semana.

E. L. : Que opinión che merecen os embutidos e outros produtos como o xamón?

V.: Pois depende do tipo de produto. No caso do xamón o proceso de elaboración segue sendo bastante tradicional, co porco como materia prima fundamental, sal como conservante e especias naturais. Cortes magros como o lomo proporciónannos gran parte dos requerimentos diarios que necesitamos aportando moi pouca graxa.

Cónstame ademais que a gran maioría dos produtos cárnicos que ofrecedes teñen un perfil lípido moito máis favorable e un menor contido en sal, co que se está garantizando calidade e seguridade.

E.L.  : Cal é na túa opinión a dieta máis saudable?

V.: É aquela que contén en cantidade e variedade os alimentos que achegan os nutrientes suficientes para medrar, desenvolver todas as actividades e reparar ou substituír os tecidos que se avellentan. Unha dieta variada e equilibrada con presenza de peixe, verduras, froitas, cereais, lácteos, carnes

E. L. : Que hábitos deberiamos recuperar ?

V. : Pois pensando nas merendas é moito máis saudable que os nenos e nenas merenden un bocata de xamón serrano, xamón cocido ou lomo embuchado que calquera tipo de bollería industrial, xa que co primeiro estanlle aportando un alto contido de proteínas, vitaminas do grupo B e minerais como o fósforo, zinc, ferro… que son indispendables para o crecemento e o desenvolvemento normal dos ósos. Coa bollería e refrescos azucrados o único que se inxire é un alto contido de graxas, azucres e calorías que conlevan á obesidade e a patoloxías relacionadas con esta.

E.L.: Para concluír Vanessa, qué idea sobre a carne de porco debe quedar clara.

V.: Pois que a carne magra de porco é moi dixerible; o seu perfil graxo fai que sexa máis aconsellable dende o punto de vista do risco de enfermidades cardiovasculares como ben comentamos anteriormente. Xunto con outras carnes brancas a carne magra de porco presenta un moderado aporte calórico (111 kcal por cada 100 gr de raxo de porco). Así cociñada á plancha, cocida, ò forno…. con pouco aceite é unha carne totalmente recomendada en dietas hipocalóricas.

Moitas grazas polo teu tempo e por poder contar contigo para abrir esta sección de entrevistas no noso blog.